मोरक्को र गाबोन नकआउट चरणमा

काठमाडौं । मोरक्को र गाबोन अफ्रीका कप अफ नेसन्सको नकआउट चरणमा पुगेको छ ।

मंगलबार राति भएको खेलमा २-२ गोलको बराबरीमा खेल्दै मोरक्को र गाबोनले नकआउट चरणमा स्थान बनाएको हो।

रोमान्चक खेलको २१ औं मिनेटमा जिम अल्लेभिन्हाले गोल गर्दै गाबोनलाई सुरुआती अग्रता दिलाएका थिए ।

खेलको ७४ औं मिनेटमा सोफियन बौफलले पेनाल्टीमा गोल गर्दै मोरक्कोलाई १-१ गोलको बराबरीमा फर्काए ।

खेलको ८० औं मिनेटमा मोरक्कोका नायेफले आत्मघाती गोल गरेपछि गाबोनले २-१ को अग्रता बनायो ।

तर, खेलको ८४ औं मिनेटमा आच्रफ हाकिमीले गोल गर्दै मोरक्कोलाई २-२ गोलको बराबरीमा ल्याएका थिए ।

यस बराबरीसँगै समूह सी को मोरक्कोले ३ खेलमा ७ अंक जोड्यो ।

मोरक्को शीर्ष स्थानमा रहदै नकआउट चरणमा पुगेको हो ।

गाबोन ५ अंक जोडेर दोस्रो स्थानमा रहेर नकआउट चरणमा पुगेको हो।