युभेन्ट्स क्वाटरफाइनलमा

काठमाडौं । युभेन्ट्स कोपा इटालिया फुटबलको क्वाटरफाइनलमा प्रवेश गरेको छ ।

मंगलबार राति भएको खेलमा साम्पडोरियालाई ४-१ गोल अन्तरले हराउँदै युभेन्ट्स क्वाटरफाइनलमा पुगेको हो ।

घरेलु मैदानमा जुवान कोर्डाडोले २५ औं मिनेटमा गोल गर्दै युभेन्ट्सलाई अग्रता दिलाएका थिए ।

डानिली रुगानीले ५२ औं मिनेटमा गोल गर्दा युभेन्ट्सको अग्रता २-० को बन्यो ।

खेलको ६३ औं मिनेटमा आन्द्रे कोन्टीले गोल गर्दै साम्पडोरियालाई २-१ को स्थितिमा ल्याए ।

खेलको ६७ औं मिनेटमा डिबालाले गोल गर्दै युभेन्ट्सलाई ३-१ को अग्रता दिलाए ।

त्यसपछि खेलको ७७ औं मिनेटमा अल्भारो मोराटाले पेनाल्टीमा गोल गर्दै युभेन्ट्सलाई ४-१ को जित दिलाए ।