शुक्रलाई सेन्ट्रल ओपनको उपाधि

काठमाडौं । शुक्रबहादुर राईले सुर्य नेपाल गल्फ टुर अन्तर्गतको तेस्रो प्रतियोगिता सुर्य नेपाल सेन्ट्रल ओपन गल्फको उपाधि जितेका छन् ।

गोकर्ण गल्फ क्लबमा शुक्रबार कुल १० अन्डर २ सय ७८ स्कोरसहित शुक्रले उपाधि जितेका हुन् ।

उपाधिसँगै शुक्रले १ लाख ३५ हजार प्राप्त गरे ।

रबि खड्का ९ अन्डर २ सय ७९ स्कोरसहित दोस्रो स्थानमा रहे । उनले ८८ हजार प्राप्त गरे ।

भुवन नगरकोटीले ६ अन्डर २ सय ८२ स्कोरसहित तेस्रो स्थान हासिल गरे । भुवनले ६५ हजार प्राप्त गरे ।

प्रतियोगितामा ३४ प्रोफेसनल र ८ एमेच्योर गल्फरको सहभागिता रहेको थियो ।