पहिलो जितमा खुशी छौँ - प्रशिक्षक थापा

काठमाडौं । विभागीय टिम एपीएफ क्लबले सोमबार सहिद स्मारक ‘ए’ डिभिजन लिग फुटबलमा पहिलो जित निकालेको छ ।

त्रिपुरेश्वरस्थित दशरथ रंगशालामा फ्रेन्ड्स क्लबलाई ३-१ गोल अन्तरले हराउँदै एपीएफले पहिलो जित निकालेको हो ।

पहिलो जितसँगै एपीएफ रेलिगेसन क्षेत्रबाट माथि उक्लिएको छ ।

एपीएफ ४ अंक जोडेर ११ औं स्थानमा उक्लिएको छ ।

जितपछि एपीएफका मुख्य प्रशिक्षक कुमार थापा खुशी देखिए ।

उनले चार अंकमा सन्तुष्ट रहेको बताए ।

'चार अंक भयो यसमा सन्तुष्ट नै छौँ । पहिलो जित हो । खेलाडीमा जुन प्रोगेस देखिएको छ त्यसलाई सकारात्मक रुपमा लिनुपर्छ । आज खुशी छौँ हामी,' उनले भने ।

उनले फरवार्ड आशिष लामाले ह्याट्रिकको मौका गुमाएको समेत बताए ।

'पुछारको दुई टिमको खेल रमाईलो नै भयो । आशिषले ह्याट्रिक गर्नु पर्ने थियो त्यो मिस गर्यो,' उनले थपे ।