प्रकाश र राममायालाई उपाधि

काठमाडौं । जुम्लाका प्रकाश कठायत र राममाया बुढाले युथ एथ्लिट च्याम्पियनशिपको यू–२० तर्फको ३ हजार मिटर दौडको उपाधि जितेका छन् ।

दशरथ रंगशालामा सोमबार पुरुषतर्फ प्रकाशले निर्धारित दूरी ९ मिनेट २२.५ सेकेन्डमा पूरा गदै उपाधि जिते । कपिलबस्तुका अजय पाण्डे दोश्रो र ललितपुरका महेश सिजाली तेश्रो भए ।

महिला दौडमा जुम्लाकी राममायाले निर्धारित दूरी १० मिनेट ४४.५ सेकेन्डमा पूरा गदै स्वर्ण जितिन् । जुम्लाकै वमजना बुढाले रजत र सुर्खेतकी विमला कार्की कास्य जितिन् ।

एथलेटिक्स परिवार नेपाले आयोजना गरेको प्रतियोगिताको यू–१६ पुरुष लङजम्पमा ६ मिटर ६८ सेन्टिमिटर जम्प गर्दै कपिलबस्तुका सुजित थारुले स्वर्ण जिते ।

कपिलबस्तुकै रामजी विश्वकर्माले रजत र चितवनका सुदिप महत्तोले कास्य जितेका छन् । महिलातर्फ ४ मिटर २६ सेन्टिमिटर फलहान्दै दाङकी करुणा रिजाल पहिलो,दाङकै शुसिला चौधरी दोश्रो र नुवाकोटकी धनु राई तेश्रो भईन् ।

यू–२० पुरुष लगजम्पमा ६ मिटर ३३ सेन्टिमिटर जम्प गर्दै बर्दियाका रामलखन थारु पहिलो,नवलपरासीका सलिन देवाङ दोश्रो र बर्दियाका रोशन थारु तेश्रो भएका छन् ।

महिलातर्फ ५ मिटर ७७ सेन्टिमिटर जम्प गर्दै बंगलादेशकी सोनिया अफ्तार पहिलो,दाङकी शिमा चौधरी दोश्रो र बर्दियाकी रविना थारु तेश्रो भएकी छन् ।

प्रतियोगिताको युवा तथा खेलकुद मन्त्री महेश्वरजंग गहतराजले एक कार्यक्रमबीच उद्घाटन गरे । प्रतियोगिता मंगलबार सम्पन्न हुनेछ ।