हारबाट जोगियो पीएसजी

काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) बराबरीमा रोकिएको छ ।

शनिबार राति भएको खेलमा पीएसजीले लेन्ससँग १-१ गोलको बराबरी खेलेको हो ।

खेलको ६२ औं मिनेटमा सेको फोफानाले गोल गर्दै लेन्सलाई सुरुआती अग्रता दिलाएका थिए ।

तर, खेलको इन्जुरी समयमा जर्जिनियो विज्नाल्डमले गोल गर्दै पीएसजीलाई हारबाट जोगाए ।

बराबरीमा रोकिएपनि पीएसजी शीर्ष स्थानमा यथावत रहेको छ ।

पीएसजीले १७ खेलमा ४२ अंक जोडेको छ ।

लेन्स २७ अंक जोडेर पाँचौं स्थान रहेको छ ।