काठमाडौं । ललितपुरे 'ए' डिभिजन क्लब थ्री स्टारले मुख्य प्रायोजक रुस्लान फुटबलसँगको सम्झौता नवीकरण गरेको छ ।
थ्री स्टारले बिहीबार क्लबको मुख्य प्रायोजकमा रुस्लान नै रहने जनाएको छ ।
सम्झौता नवीकरणसँगै थ्री स्टारले रुस्लान थ्री स्टार क्लबको नामबाट शीर्ष डिभिजनको लिग खेल्नेछ ।
यस्तै थ्री स्टारले किट्स पार्टनर एडिडाससँगको सम्झौता समेत नवीकरण गरिएको जनाएको छ ।
थ्री स्टारले यस वर्षको लिगमा एडिडासको जर्सी र खेल सामाग्री प्रयोग गर्नेछ ।
नयाँ सिजनको लिग शुक्रबारबाट सुरु हुँदैछ ।
थ्री स्टारले शनिबार च्यासल युथ क्लबसँग खेल्दै लिगको सुरुआत गर्नेछ ।
-1751205100.jpg)
-1751726411.jpg)
