कार्ड नदेखाएपछि दुई रेफ्रि निलम्बनमा

काठमाडौं । साउथ अमेरिकन फुटबल कन्फेडेरेसनले अर्जेन्टीना र ब्राजिलबीचको फिफा विश्वकप छनोट खेलमा संलग्न दुई रेफ्रिलाई निलम्बन गरेको छ ।

मंगलबार अर्जेन्टीनाको घरेलु मैदानमा ब्राजिलविरुद्धको खेलमा गम्भिर गल्ति भएपछि रेफ्रि एन्ड्रेस कुन्हा र भिडियो सहायक इस्टेबन ओस्टोजिचलाई निलम्बन गरेको हो ।

खेलको पहिलो हाफमा अर्जेन्टीनाका डिफेन्डर निकोलस ओटामेन्डीले ब्राजिलका फरवार्ड राफिन्हालाई कुहिनोले अनुहारमा प्रहार गरेका थिए ।

उक्त प्रहारले लिड्स युनाईटेडका राफिन्हाको मुखमा रगत आउने गरी घाउ भएको थियो जसको उपचारमा पाँचवटा टाका लागेको थियो ।

साउथ अमेरिकन फुटबल कन्फेडेरेसनले सार्वजनिक गरेको एक भिडियोमा भिडियो सहायक ओस्टोजिचले रेफ्रि कुन्हालाई सो फाउलका लागि पहेलो कार्ड दिनुपर्ने सुझाव दिएका थिए ।

तर रेफ्रि कुन्हाले ओटामेन्डीलाई कुनै चेतावनी पनि दिएनन नत उक्त फाउलका फ्रिकिक नै दिए ।

रेफ्रिहरुको कमिटिले उक्त भिडियोलाई विश्लेषण गरेपछि निश्कर्षमा पुगेकि उनीहरुले आफ्नो कर्तव्य निर्वाहमा गम्भिर र स्ष्ट त्रुटीहरु गरेका थिए ।

दुबैजनालाई अनिश्चितकालका लागि निलम्बन गरिएको छ ।

यता ब्राजिलियन फुटबल कन्फेडेरेसनले फिफालाई पत्र लेख्दै ओटामेन्डीलाई प्रतिवन्ध लगाउनुपर्ने सुझाव दिएको छ ।