उरुग्वे पराजित

काठमाडौं । फिफा विश्वकप छनोटमा उरुग्वे पराजित भएको छ ।

दक्षिण अमेरिकी छनोट अन्तर्गत बुधबार बिहान उरुग्वेलाई बोलिभियाले ३-० गोल अन्तरले पराजित गरेको हो ।

१० खेलाडीमा सिमित बोलिभियालाई जित दिलाउन जुवान कार्लोसले दुई गोल गरे ।

मार्सेलो मोरेनोले एक गोल थपे ।

कार्मेलोले दोस्रो हाफमा रातो कार्ड पाएपछि बोलिभिया १० खेलाडीमा समेटिएको थियो ।

बोलिभियासँग पराजित भएपछि सिधै विश्वकपमा छनोट हुने उरुग्वे सम्भावना कमजोर बनेको छ ।

उरुग्वे १४ खेलमा १६ अंक जोडेर सातौं स्थानमा रहेको छ ।

बोलिभिया १५ अंक जोडेर आठौं स्थानमा उक्लिएको छ ।

दक्षिण अमेरिकी छनोट अन्तर्गत नै पेरुले भेनेजुएलालाई २-१ ले हराएको छ ।

कोलम्बिया र पाराग्वेले गोलरहित बराबरी खेलेको छ ।