फुटसल लिग : प्ले अफ खेल आजबाट

पोखरा । राष्ट्रिय 'ए' डिभिजन फुटसल लिगमा आज बुधबार दुई खेलहरु हुँदैछ।

पोखराको बहूदेशीय कभर्डहलमा हुने पहिलो क्वालिफायरमा स्पोर्ट्स क्यासल पोखरा र द राइजिङ क्लब धरानबीच प्रतिस्पर्धा हुनेछ। स्पोर्ट्स क्यासल र द राइजिङबीचको खेल १२:३० बजे सुरु हुनेछ।

आज दुबै टोलि जित निकाल्दै फाइनल पुग्न चाहन्छ। यस क्वालिफायरको विजेता सिधै फाइनलमा पुग्नेछ। पराजित हुने टोलीले फाइनल पुग्नको लागि दोस्रो क्वालिफायर खेल्न पाउने छ।

स्पोर्ट्स क्यासल अंक तालिकाको शीर्ष स्थानमा रहदै क्वालिफायर पुगेको हो। राइजिङ धरानले दोस्रो स्थानमा रहेर क्वालिफायर खेल्न हो।

 यस्तै आजै हुने एलिमिनेटरमा संखमुल फुटसल र सबिन मेमोरियल एफसीबीच प्रतिस्पर्धा हुनेछ। यस खेल दिउँसो २:३० बजे सुरु हुनेछ।

यस खेलको विजेताले दोस्रो क्वालिफायरमा स्थान बनाउने छन् । पराजित हुने टिम बाहिरिनेछ ।

संखमुल तालिकाको तेस्रो र सबिन मेमोरियल चौंथो स्थानमा रहेर एलिमिनेटर खेल्न लागेको हो।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ।