आर्सनलले टोटेनहमलाई हरायो

काठमाडौं । इंग्लिस प्रिमियर लिग फुटबलमा आर्सनलले टोटेनहमलाई पराजित गरेको छ ।

आइतबार राति भएको खेलमा आर्सनलले टोटेनहमलाई ३-१ गोल अन्तरले पराजित गरेको हो ।

आर्सनलको जितमा इमिल स्मिथ, पिएरे एम्रिक औबामियाङ र बुकायो साकाले एक एक गोल गरे ।

टोटेनहमका सन ह्युङ मिनले एक गोल फर्काए ।

घरेलु मैदानमा स्मिथले १२ औं मिनेटमा गोल गर्दै आर्सनललाई अग्रता दिलाएका थिए ।

खेलको २८ औं मिनेटमा औबामियाङले गोल गर्दै टिमको अग्रता २-० को बनाए ।

३४ औं मिनेटमा साकाले गोल गर्दा आर्सनल ३-० ले अघि रह्यो ।

त्यसपछि खेलको ७९ औं मिनेटमा सनले एक गोल फर्काएपनि आर्सनल ३-१ ले विजयी भयो ।

यस जितसँगै आर्सनलले ६ खेलमा ९ अंक जोडेको छ । आर्सनल १० औं स्थानमा रहेको छ ।

टोटेनहम ९ अंक जोडेर ११ औं स्थानमा रहेको छ ।