फुटसल लिग : स्पोर्ट्स क्यासलको दोस्रो जित

पोखरा । राष्ट्रिय 'ए' डिभिजन फुटसल लिगमा स्पोर्ट्स क्यासल पोखराले दोस्रो जित निकालेको छ ।

पोखराको बहूदेशीय कभर्डहलमा बिहीबार ढुकु फुटसल हबलाई ५-३ गोल अन्तरले पराजित गर्दै स्पोर्ट्स क्यासलले दोस्रो जित निकालेको हो ।

स्पोर्ट्स क्यासलको जितमा खिम राज गुरुङले दुई गोल गरे । दिपेश घले, सुमित श्रेष्ठ र योगेश गुरुङले एक एक गोल गरे ।

ढुकुका विक्रान्त नरसिंह राणाले दुई गोल गर्दा उर्केन शेर्पाले एक गोल गरे ।

यस जितसँगै स्पोर्ट्स क्यासलले ३ खेलमा ७ अंक जोडेको छ । स्पोर्ट्स क्यासल दोस्रो स्थानमा उक्लिएको छ ।

ढुकु ३ खेलमा ३ अंक जोडेर आठौं स्थानाम रहेको छ ।

यस्तै अर्को खेलमा फुटसल फाइभ धरानले लुम्बिनी फुटसलसँग गोलरहित बराबरी खेलेको छ ।

लिगमा १० टिमको सहभागिता रहेको छ ।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।