फुटसल लिग : फुटसल फाइभसँग ढुकु पराजित

पोखरा । फुटसल फाइभ धरानले राष्ट्रिय 'ए' डिभिजन फुटसल लिगमा पहिलो जित निकालेको छ।

पोखराको बहूदेशीय कभर्डहलमा मंगलबार ढुकु फुटसल हबलाई ५-३ गोल अन्तरले पराजित गर्दै फुटसल फाइभले पहिलो जित निकालेको हो ।

फुटसल फाइभको जितमा प्रवेश जोशीले दुई गोल गरे । कप्तान सन्दीप कार्की, सरोज तामाङ र रञ्‍जित गुरुङले एक एक गोल गरे ।

ढुकुका अमित लामा, अभय राना र विक्रान्त नरसिंह राणाले एक एक गोल गरे ।

खेलको म्यान अफ दि म्याच फुटसल फाइभका गोलकिपर सन्जिब तामाङ चुनिए ।

यस जितसँगै फुटसल फाइभले २ खेलमा ४ अंक जोडेको छ । फुटसल फाइभले पहिलो खेलमा संखमुल फुटसलसँग बराबरी खेलेको थियो ।

ढुकुको यो पहिलो हार हो । ढुकुले पहिलो खेलमा सबिन मेमोरियललाई हराएको थियो । ढुकुले २ खेलमा ३ अंक जोडेको छ।

लिगमा १० टिमको सहभागिता रहेको छ ।

आजै हुने दोस्रो खेलमा स्पोर्ट्स  क्यासल पोखरा र प्रभातफेरी युथ क्लबबीच प्रतिस्पर्धा हुनेछ ।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।