फुटसल लिग भोलिबाट, खोप लगाएका दर्शकलाई अनुमति

पोखरा। पहिलो संस्करणको राष्ट्रिय 'ए' डिभिजन फुटसल लिग भोलि शनिबारबाट सुरु हुँदैछ ।

पोखराको बहूदेशीय कभर्डहलमा हुने उद्घाटन खेलमा द राइजिङ क्लब धरान र स्काई गोल काठमाडौंबीच प्रतिस्पर्धा हुनेछ ।

पहिलो दिन नै दोस्रो खेलमा स्पोर्ट्स  क्यासल पोखरा र प्रभातफेरी युथ क्लबबीच प्रतिस्पर्धा हुनेछ ।

अखिल नेपाल फुटबल संघ (एन्फा) को फुटसल कमिटिले लिगको सम्पूर्ण तयारी पूरा भएको जनाएको छ ।

लिगको खेल हेर्न दर्शकलाई समेत प्रवेश दिईने भएको छ । तर, दर्शकले अनिवार्य कोभिडको दुबै डोजको खोप लगाएको हुनु पर्नेछ ।

कोभिडको खोप कार्ड नहुने दर्शकले पीसीआरको नेगेटिभ रिपोर्ट देखाउनु पर्नेछ ।

लिगमा १० टोलीको सहभागिता रहेको छ ।

फुटसल लिगको विजेताले १० लाख प्राप्त गर्दा उपविजेताले ५ लाख पाउने एन्फाले जनाएको छ ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको छ ।

म्यान अफ दि म्याचले ५ हजार पाउने छन् ।

एन्फाले यस प्रतियोगिताबाट नेपालको राष्ट्रिय फुटसल टोली चयन गरिने जनाएको छ ।

उक्त टोलीले एएफसी फुटसल एसियन कप छनोट प्रतियोगिता खेल्ने छन् ।