त्यसैले उनले भनेका छन्, ‘मैले आफ्नो पूरा खेल जीवन आफूले सक्दो राम्रो गर्ने प्रयास गरें, तर आर्सनलमा किन राम्रो भएन्, मलाई थाहा छैन् । त्यसैले म सबैसँग माफि माग्न चाहन्छुं ।’
चेल्सी छाडेर आर्सनल जाँदा उनीमाथि एउटा गम्भीर आरोप लागेको थियो र त्यो थियो, पैसाको लोभी भएको । पैसाकै लागि उनले चेल्सी छाडेर आर्सनल गएको धारणा राख्ने धेरै थिए, विशेषत: पत्रकार ।
अहिले विलियनले त्यो आरोपको पनि उत्तर दिएको छुं भनेर दाबी गरेका छन् । उनका अनुसार पैसाकै लोभ भएको भए, उनी आर्सनलमै रहन्थें र खासै खेल्न नपाए पनि मज्जाले पारिश्रमिक बुझ्थे । तर उनले यस्तो गरेनन्, बरू आर्सनलसँगको अनुबन्ध नै तोडे र ब्राजिल फर्के ।
तय छ, कोरिन्थिसमा उनको तलब इंग्ल्यान्डमा जस्तो हुने छैन्, अझ छेउछाउ पनि पुग्ने छैन् ।
चेल्सी छँदा गज्जब खेलेका विलियन आर्सनलमा त्यस्तै खेल दोहराउन किन असफल रहे भनेर अहिलेका व्यवस्थापक मिखेल आर्टेटाले पनि भन्न सकेका छैनन् ।
खासमा फुटबलमा सबै प्रश्नका उत्तर हुँदैन् । विलियनको कथा पनि यस्तै हो, खालि यसको निचोड के भने यसको अन्त्य दु:खद रह्यो ।
