सन् २०१९ मा द सनले त्यस्तो एउटा समाचार विस्तारमा छापेको थियो, जुन स्टोक्सको परिवारसँग जोडिएको थियो । त्यो दु:खको घटना थियो, जुन लगभग सबैले बिर्सिसकेका थिए । फेरि यो घटना स्टोक्स आफै जन्मिन भन्दा अगाडि भएको थियो । तर द सनले के के न भएको थियो जस्तै गरेर त्यस घटनाबारे आफ्नो पहिलो पानामा समाचार छापेको थियो ।
यसका लागि द सनले आफ्ना संवाददातालाई न्युजिल्यान्ड नै पठाएको थियो । समाचारको शीर्षक थियो, ‘दुखद घटना जसले स्टोक्स परिवारलाई सधैं पिर्लोछ’ । त्यो समाचार आएयता स्टोक्सको परिवारले द सनविरुद्ध आर्थिक क्षतिपूर्तिको मागसहित मुद्दा हालेको थियो । सुरुमा त द सनले आफूले कुनै प्रकारको गल्ती नगरेको दाबी गर्दै आएको थियो, तर अहिले एकाएक उसको भाषा नरम भएको छ ।
द सन बेलायतको निकै विवादास्पद पत्रिका हो र यसलाई यस्तै कसैको पनि नीजि जीवनीमा प्रवेश गरेर समाचार प्रकासित गर्न महारथ प्राप्त छ । सन् १९८९ हिल्सब्रो दुर्घटनाबारे द सनले पूर्णत: गलत समाचार छापेको थियो र त्यसबारे अहिलेसम्म पनि उसले माफि मागेको छैन् । यसै दुर्घटनामा परेर लिभरपुलले आफ्ना ९६ समर्थकलाई गुमाएको थियो ।
अहिलेसम्म पनि लिरभपुल समर्थकले द सन पढ्ने गर्दैनन् भने लिभरपुल सहरमा अहिलेसम्म पनि यो पत्रिकालाई बहिस्कार गरिन्छ । द सनले स्टोक्सको परिवारबारे समाचार छापेपछि यी अलराउन्ड निकै मानसिक दबाबमा आएका थिए । यो समाचार प्रकासित भएपछि द सनको खुबै आलोचना पनि भएको थियो ।
–द गार्डियनको सहयोगमा ।
-1748187265.jpeg)
