काठमाडौं । इंग्लिस प्रिमियर लिग फुटबलमा साविक विजेता म्यानचेस्टर सिटीले फराकिलो जित निकालेको छ।
शनिबार भएको खेलमा सिटीले १० खेलाडीमा सिमित आर्सनलमाथि ५-० गोलको फराकिलो जित निकालेको हो।
घरेलु मैदानमा सिटीलाई फराकिलो जित दिलाउन फेरान टोरेसले दुई गोल गरे।
यस्तै कप्तान इल्काए गुन्डोगान, ग्राबियल जेजुस र रोड्रीले एक एक गोल गरे।
इतिहाद स्टेडियममा खेलको सातौं मिनेटमा गुन्डोगानले गोल गर्दै सिटीलाई सुरुवाती अग्रता दिलाएका थिए।
खेलको १२ औं मिनेटमा टोरेसले गोल गर्दै सिटीको अग्रता २-० को बनाए ।
खेलको ३५ औं मिनेटमा ग्रानिट जाकाले रातो कार्ड पाएपछि आर्सनल १० खेलाडीमा समेटिएको थियो। जोआ कान्सेलोलाई खराब ट्याकल गरेपछि रेफ्रीले जाकालाई सिधै रातो कार्ड देखाएका थिए ।
४३ औं मिनेटमा जेजुसले गोल गरेपछि सिटीले पहिलो हाफमा ३-० को अग्रता बनायो ।
खेलको ५३ औं मिनेटमा रोड्रीले गोल गर्दै सिटीलाई ४-० को अग्रता दिलाए।
त्यसपछि खेलको ८४ औं मिनेटमा टोरेसले व्यक्तिगत दोस्रो गोल गर्दै सिटीलाई ५-० गोलको फराकिलो जित दिलाए।
यस जितसँगै सिटीले ३ खेलमा ६ अंक जोडेको छ। सिटी अंक तालिकाको शीर्ष स्थानमा समेत उक्लिएको छ। सिटीको यो दोस्रो जित समेत हो।
आर्सनलले भने लगातार तेस्रो खेलमा हार व्यहोरेको छ । ३ खेलमा अंक विहीन रहदै आर्सनल पुछारमा रहेको छ ।
