१८ वर्षीय मिडफिल्डर सार टोटेनहममा

काठमाडौं । इंग्लिस क्लब टोटेनहमले युवा मिडफिल्डर पापे माटर सारलाई अनुबन्धित गरेको छ।

प्रिमियर लिग क्लबले सेनेगलका मिडफिल्डरलाई फ्रेन्च क्लब मेट्जबाट अनुबन्ध गरेको हो ।

१८ वर्षीय मिडफिल्डरले टोटेनहमसँग ६ वर्षको सम्झौता गरेका छन् ।

तर, यस सिजन उनले फ्रेन्च क्लबमै बिताउने छन् ।

टोटेनहमले सारलाई लोनमा मेट्ज पठाएको हो ।

गत सिजन उनले फ्रेन्च क्लबका लागि २३ खेलमा ३ गोल गरेका थिए ।

उनले सेनेगलका लागि १ खेल खेलिसकेका छन् ।