जोर्गिन्होलाई 'प्लेयर अफ दि इयर' अवार्ड

काठमाडौं । चेल्सीका मिडफिल्डर जोर्गिन्होले यूईएफए च्याम्पियन्स लिग फुटबलको 'प्लेयर अफ दि इयर' अवार्ड प्राप्त गरेका छन् ।

युरोपियन फुटबलको सर्वोच्च निकाय यूईएफएले बिहीबार जोर्गिन्होलाई अवार्ड प्रदान गरेको हो ।

जोर्गिन्होले म्यानचेस्टर सिटीका केभिन डे ब्रुएना र चेल्सीकै एनगोलो कान्टेलाई पछि पार्दै अवार्ड जितेका हुन् ।

इटालियन मिडफिल्डर जोर्गिन्होले चेल्सीलाई च्याम्पियन्स लिगको उपाधि दिलाउन महत्वपूर्ण भूमिका निर्वाह गरेका थिए ।

२९ वर्षीय जोर्गिन्होले चेल्सीका लागि यूईएफए सुपर कप समेत जितेका थिए ।

उनी मुख्य युरोपियन प्रतियोगिताको सबै उपाधि जित्ने चेल्सीका पहिलो खेलाडी समेत हुन् ।

उनले च्याम्पियन्स लिग, युरोपा लिग, यूईएफए सुपर कप र युरोकप जितेका छन् । ।

इटालीले युरो-२०२० को उपाधि जित्दा उनको भूमिका महत्वपूर्ण रहेको थियो ।

महिलातर्फको अवार्ड बार्सिलोनाका एलेक्सिया पुटेलासले जितेकी छिन् ।

पुरुषको कोच अफ दि इयर अवार्ड चेल्सीका थोमस टुचेलले हात पारे । उनले पेप ग्वार्डीओला र रोबर्टो मान्सिनीलाई पछि पारे ।

महिलाको कोच अफ दि इयर अवार्ड लुइस कोर्टेसले हात पारे ।

यस्तै व्यक्तिगत विधाको पुरुषतर्फको फरवार्ड अफ दि सिजन अवार्ड बोरुसिया डर्टमण्डका अर्लिङ हालाण्डले हात पारे । महिलातर्फ बार्सिलोनाका जेन्नी हेर्मोसोले जितिन् ।