काठमाडौं । इंग्लिस क्लब म्यानचेस्टर सिटीले डिफेन्डर बेन्जामिन मेन्डीलाई निलम्बन गरेको छ ।
बलात्कार र यौन दुर्व्यवहारको आरोप लागेपछि सिटीले बेन्जामिनलाई निलम्बन गरेको हो ।
सिटीले बिहीबार एक विज्ञप्ति निकाल्दै मुद्दाको किनारा नलागेसम्मका लागि निलम्बन गरिएको जनाएको छ ।
फ्रेन्च डिफेन्डर बेन्जामिनमाथि तीन जनाले बलात्कारको आरोप लगाएका छन् ।
उनीमाथि २०२० को अक्टोबर देखि २०२१ को अगस्टसम्म तीन उजुरी परेको बताईएको छ । आरोपपछि प्रहरीले अनुसन्धान थालेका छन् ।
