महिला फुटबलमा क्यानडालाई स्वर्ण

एजेन्सी । क्यानडाले टोकियो ओलम्पिक अन्तर्गत महिला फुटबलको स्वर्ण पदक जितेको छ ।

शुक्रबार भएको फाइनलमा स्विडेनलाई पेनाल्टी सुटआउटमा ३-२ गोल अन्तरले पराजित गर्दै क्यानडाले स्वर्ण पदक जितेको हो ।

क्यानडाले पहिलो पटक ओलम्पिकको महिला फुटबलमा स्वर्ण पदक जितेको हो । 

निर्धारित ९० मिनेट र अतिरिक्त समय १-१ गोलको बराबरीमा सकिएपछि खेल पेनाल्टी सुटआउटमा गएको थियो । पेनाल्टीमा भने क्यानडाले बाजी मार्यो ।

पेनाल्टीमा क्यानडाकी जेस्सी फ्लिमीङ, रोस डेनी र जुलिया ग्रोस्सोले गोल गरिन् ।

स्विडेनकी नाथलिया र ओलिभियाले गोल गरिन् ।

पेनाल्टी अघि ३४ औं मिनेटमा स्टिना ब्लाक्सटेनिउसले गोल गर्दै स्विडेनलाई अग्रता दिलाएकी थिइन् ।  

तर, खेलको ६८ औं मिनेटमा जेस्सी फ्लिमीङले पेनाल्टीमा गोल गर्दै क्यानडालाई १-१ गोलको बराबरीमा ल्याएकी थिइन् ।