एजेन्सी । प्रि-सिजन तयारी अन्तर्गतको मैत्रीपूर्ण खेलमा लिभरपुल पराजित भएको छ ।
बिहीबार राति भएको खेलमा लिभरपुल जर्मन क्लब हेर्था बर्लिनसँग ४-३ गोल अन्तरले पराजित भएको हो ।
हेर्थाको जितमा स्टेभन जोभिटिचले दुई गोल गरे । सान्टियागो र साउट सेरडरले एक एक गोल गरे ।
लिभरपुलका साडियो माने,ताकुमी मिनामिनो र एलेक्स च्याम्बर्लिनले एक एक गोल गरे ।
यस मैत्रीपूर्ण खेलबाट डिफेन्डर भिर्गिल भान डाइक मैदान फर्किएका छन् ।
चोटको कारण डाइक २ सय ८५ दिनपछि मैदान फर्किएका हुन् ।
उनले युरोकप फुटबल समेत गुमाएका थिए ।
डाइक ६९ औं मिनेटमा फिलिप्सको स्थानमा मैदान प्रवेश गरेका थिए ।
डाइकले गत अक्टोबरमा चोट बोकेका थिए । उनले घुँडाको लिगामेन्टको चोटको शल्यक्रिया गरेका थिए ।
