फुटसल लिगको उपाधि ट्रफी तयार

काठमाडौं । 'ए' डिभिजन राष्ट्रिय फुटसल लिग प्रतियोगिताको उपाधि ट्रफी तयार भएको छ ।

फुटसल लिगका प्रमुख रत्न कुमार श्रेष्ठले सामाजिक संजालबाट विजेताले पाउने ट्रफी तयार भएको जनाएका छन् ।

पोखराको बहूदेशीय कभर्डहलमा आयोजना हुने फुटसल लिग साउन २३ गतेबाट सुरु हुनेछ ।

अखिल नेपाल फुटबल संघ (एन्फा) ले लिगका लागि एन्फाले टिमहरुको छनोट गरिसकेको छ । लिगमा १० टोलीले प्रतिस्पर्धा गर्ने छन् ।

लिगमा फुटसल फाइभ धरान, द राइजिङ क्लब धरान, ढुकु फुटसल हब, संखमुल फुटसल, प्रभातफेरी युथ क्लब, स्काई गोल फुटसल, स्पोर्ट्स क्यासल, सबिन मेमोरियल फुटसल क्लब, लुम्बिनी फुटसल र झरना स्पोर्ट्स क्लबले प्रतिस्पर्धा गर्ने छन् ।

लिगको विजेताले १० लाख प्राप्त गर्दा उपविजेताले ५ लाख पाउने एन्फाले बताईएको थियो ।

यस्तै उत्कृष्ट गोलकिपर, उत्कृष्ट विंगर, उत्कृष्ट डिफेन्डर, उत्कृष्ट प्रशिक्षक र इमर्जिङ खेलाडीले समान २५ हजार पाउने एन्फाले जनाएको थियो ।

एन्फाले यस प्रतियोगिताबाट नेपालको राष्ट्रिय फुटसल टोली चयन गरिने जनाएको छ ।

उक्त टोलीले एएफसी फुटसल एसियन कप छनोट प्रतियोगिता खेल्ने छन् ।