फुटसल टिमको मुख्य प्रशिक्षकमा बस्नेत

काठमाडौं । नेपाली राष्ट्रिय फुटसल टिमको मुख्य प्रशिक्षकमा गौरव बस्नेत नियुक्त भएका छन् ।

अखिल नेपाल फुटबल संघ (एन्फा) ले मंगलबार बस्नेतलाई फुटसल टिमको मुख्य प्रशिक्षक नियुक्त गरेको हो ।

एन्फाले बस्नेतलाई ६ महिनाको लागि टिम हेर्ने जिम्मेवारी दिएको हो ।

एन्फाका महासचिव इन्द्रमान तुलाधरले बस्नेतलाई नियुक्ति पत्र प्रदान गरे ।

एन्फाको फुटसल कमिटिको सिफारिसमा उनलाई एन्फाले नियुक्त गरेको हो ।

बस्नेत यस अघि फुटसल टिमको सहायक प्रशिक्षक रहेका थिए ।

बस्नेतको नेतृत्वमा नेपालले आगामी अक्टोबरमा एएफसी फुटसल एसियन कप छनोट खेल्नेछ ।