क्रोएसियाको सहज जित

एजेन्सी । फिफा विश्वकप छनौट अन्तर्गत युरोपियन छनौटमा क्रोएसियाले सहज जित निकालेको छ ।

मंगलबार राति भएको खेलमा क्रोएसियाले माल्टालाई ३-० गोल अन्तरले पराजित गरेको हो ।

क्रोएसियालाई जित दिलाउन इभान पेरिसिच, लुका मोड्रिच र जोसिप ब्रेकालोले एक एक गोल गरे ।

खेलको ६२ औं मिनेटमा पेरिसिचले गोल गर्दै टिमलाई अग्रता दिलाएका थिए ।

७६ औं मिनेटमा मोड्रिचले पेनाल्टीमा गोल गर्दै टिमको अग्रता २-० को बनाए ।

त्यसपछि खेलको ९० औं मिनेटमा जोसिपले गोल गर्दै क्रोएसियालाई ३-० को जित दिलाए ।

जितसँगै समूह एचको क्रोएसियाले ३ खेलमा ६ अंक जोडेको छ ।

क्रोएसिया समूहको शीर्ष स्थानमा रहेको छ ।

माल्टा ३ खेलमा १ अंक जोडेर पुछारमा रहेको छ ।

यसै समूहको अर्को खेलमा स्लोभाकियाले रुसलाई २-१ ले हराएको छ ।