लेवान्डोस्की चार साता मैदान बाहिर

एजेन्सी । पोल्याण्डका स्ट्राइकर रोबर्ट लेवान्डोस्कीले चार साता मैदान बाहिर रहने भएका छन् ।

घुँडाको चोटको कारण लेवान्डोस्की चार साता मैदान बाहिर रहने भएका हुन् । उनको घुँडाको लिगामेन्ट च्यातिएको बताईएको छ ।

विश्वकप छनौट अन्तर्गत एन्डोराविरुद्धको खेलमा लेवान्डोस्कीले चोट बोकेका थिए । जुन खेल पोल्याण्डले ३-० ले जितेको थियो । उनले दुई गोल गरेका थिए ।

अब उनले विश्वकप छनौट अन्तर्गत इंग्ल्यान्डविरुद्धको खेल गुमाउने छन् ।

पोल्याण्डले बुधबार राति इंग्ल्यान्डसँग वेम्बली स्टेडियममा खेल्दैछ ।

समूह 'आई' मा रहेको पोल्याण्ड २ खेलमा ४ अंक जोडेर दोस्रो स्थानमा रहेको छ । २ खेलमा २ जितसहित ४ अंक जोडेको इंग्ल्यान्ड शीर्ष स्थानमा रहेको छ ।

यस्तै बायर्न म्युनिखका फरवार्ड लेवान्डोस्कीले च्याम्पियन्स लिगको क्वाटरफाइनलमा पेरिस सेन्ट जर्मेन (पीएसजी) विरुद्धको खेल गुमाउने छन् ।