आयोजक एसपीएलाई उपाधि

धनगढी । आयोजक सुदूरपश्चिमाञ्चल एकेडेमी एसपीएले धनगढीमा भएको मेयर एसपीए कप छात्रा भलिबल प्रतियोगिताको उपाधि जितेको छ ।

शनिबार भएको फाइनलमा अत्तरियाको दुर्गालक्ष्मी माविलाई ३-० को सेटमा हराउँदै एसपीए च्याम्पियन बनेको हो ।

उपाधि जित्ने क्रममा एसपीएले दुर्गालक्ष्मीलाई २५–१९, २६–२४ र २५–१२ को सेटमा पराजित गर्यो ।

उपाधिसँगै एसपीएले ५० हजार प्राप्त गर्दा उपविजेता दुर्गालक्ष्मी माविले २५ हजार प्राप्त गरेको छ ।

प्रतियोगितामा शान्ति मावि तेस्रो भएको छ । शान्ति माविले दिपेन्द्र चापपाते माविमाथि ३-० को सोझो सेटको जित हात पारेको हो । तेस्रो स्थानका लागि भएको खेलमा शान्ति माविले दिपेन्द्र चारपातेलाई २५–१६, २५–६ र २५–७ को स्कोरमा हराउँदै नगद १५ हजार सहित ट्रफी मेडल र प्रमाणपत्र प्राप्त गरेको छ ।

तीन दिनसम्म धनगढीमा सञ्चालन भएको प्रतियोगितामा एसपीएकी गरिमा बोहोरा प्लेयर अफ द टुर्नामेन्ट भईन् । त्यस्तै एसपीएकी राधिका ऐर वेष्ट स्पाईकर, एसपीएकी निर्मला ओझा वेष्ट डिफेन्डर र एसपीएकै निर्मला बोहोरा वेष्ट सर्भर भईन् । दुर्गालक्ष्मीकी पुष्पा धामी वेष्ट सेटर भईन् ।