नापोलीको जित

एजेन्सी । इटालियन सिरी 'ए' फुटबलमा नापोलीले सहज जित निकालेको छ ।

आइतबार राति भएको खेलमा नापोलीले बोलोग्नालाई ३-१ गोल अन्तरले पराजित गरेको हो ।

घरेलु मैदानमा लोरेन्जो इन्सिग्नेले दुई गोल गरेपछि नापोलीले सहज जित हात पारेको हो ।

खेलको आठौं मिनेटमा लोरेन्जोले गोल गर्दै नापोलीलाई अग्रता दिलाएका थिए ।

खेलको ६५ औं मिनेटमा भिक्टर ओसिमहेनले गोल गर्दा नापोलीले २-० को अग्रता बनायो ।

खेलको ७३ औं मिनेटमा बोलोग्नाका रोबर्टोले गोल गर्दै खेल २-१ को स्थितिमा ल्याए ।

त्यसपछि खेलको ७६ औं मिनेटमा लोरेन्जोले गोल गर्दै नापोलीलाई ३-१ को जित दिलाए ।

जितसँगै नापोलीले २५ खेलमा ४७ अंक जोडेको छ । नापोली छैटौं स्थानमा रहेको छ ।

बोलोग्ना २८ अंक जोडेर १२ औं स्थानमा रहेको छ ।