कीर्तिमानी धावक मानन्धरलाई पत्नी शोक

काठमाडौं । कीर्तिमानी म्याराथन धावक वैकुण्ठ मानन्धरलाई पत्नी शोक परेको छ ।

मानन्धर पत्नी शुभन्द्रा मानन्धरको ६८ वर्षको उमेरमा बुधबार निधन भएको राष्ट्रिय तथा अन्तराष्ट्रिय खेलाडी संघले जनाएको छ ।

उनको बिहीबार टेकु दोभानमा अन्तिम संस्कार गरिएको छ ।

मानन्धर दम्पतीका २ छोरा र २ छोरी छन् ।

धावक मानन्धरले दक्षिण एसियाली खेलकुद (साग) मा २ घन्टा १५ मिनेट ०३ सेकेन्डको कीर्तिमान बनाएका थिए ।

उक्त रेकर्ड अहिलेसम्म तोडिएको छैन ।