हल अफ फेम फुटसल हुने

काठमाडौं । चौंथो संस्करणको हल अफ फेम ओपन फुटसल प्रतियोगिता आयोजना हुने भएको छ ।

भक्तपुरको ख्वोपा फुटसल प्रालिको आयोजनामा हुने प्रतियोगिता माघ ३० देखि फागुन १ गतेसम्म संचालन हुनेछ ।

प्रतियोगिताको विजेताले ५० हजार प्राप्त गर्ने छन् । यस्तै उपविजेताले २० हजार प्राप्त गर्ने छन् ।

प्रतियोगिताको लागि दर्ता खुलेको समेत आयोजकले जनाएको छ ।

आयोजकले दर्ता शूल्क ५ हजार राखिएको जनाएको छ ।

दुई दिने प्रतियोगिता आयोजककै फुटसल मैदानमा हुनेछ ।

प्रतियोगिताको दौरान एक एक महिला र पुरुष खेलाडीलाई वर्ष उत्कृष्ट खेलाडी अवार्ड प्रदान गरिनेछ ।

यस्तै एक लिजेण्ड खेलाडीलाई सम्मान गर्नुका साथै कोभिड स्वयसेवकहरुलाई सम्मान गरिनेछ ।

त्यस्तै समाजसेवा अवार्ड समेत प्रदान गरिने बताईएको छ ।