स्टेफनी पुरुष च्याम्पियन्स लिग खेलाउने पहिलो महिला रेफ्री 

एजेन्सी । फ्रेन्च रेफ्री स्टेफनी फ्रापर्ट पुरुषको च्याम्पियन्स लिग खेल खेलाउने पहिलो महिला रेफ्री हुने भएकी छिन् ।

च्याम्पियन्स लिग अन्तर्गत बुधबार इटालियन क्लब युभेन्ट्स र डाइनामो किभबीचको खेलमा उनी मुख्य रेफ्री चयन भएकी छिन् ।

यस खेलसँगै स्टेफनी पुरुषको च्याम्पियन्स लिग खेलाउने पहिलो महिला रेफ्री बन्ने छिन् ।

३६ वर्षीया स्टेफनी यूईएफएको पुरुष फुटबलको मुख्य प्रतियोगिता खेलाउने पहिलो महिला रेफ्री समेत हुन्।

स्टेफनीले सन् २०१९ मा लिभरपुल र चेल्सीबीचको सुपर कप खेलाएकी थिइन् ।

सन् २०१९ को महिला विश्वकप फुटबलमा अमेरिका नेदरल्यान्ड्सबीचको फाइनल खेल समेत उनले खेलाएकी थिइन् ।

स्टेफनीले सन् २०१९ बाट फ्रेन्च लिग वानमा रेफ्रीको भूमिका निर्वाह गर्दै आईरहेकी छिन् ।