गेल र मालिंगाले लंका प्रिमियर लिग नखेल्ने

एजेन्सी । वेस्ट इन्डिजका ब्याट्सम्यान क्रिस गेलले श्रीलंकाको लंका प्रिमियर लिग (एलपीएल) नखेल्ने भएका छन् ।

चोटका कारण गेलले एलपीएल नखेल्ने भएका हुन् । गेललाई यस सिजन क्यान्डी टस्कर्सले अनुबन्धित गरेको थियो ।

तर, गेलले टिमलाई चोटको कारण देखाएर श्रीलंका भ्रमण गर्न नसक्ने जनाएको क्रिकइन्फोले जनाएको छ ।

यस्तै श्रीलंकाका भेट्रान बलरलासिथ मालिंगाले समेत प्रतियोगिता नखेल्ने भएका छन् ।

गाल्ले ग्लाडियटर्स मार्की खेलाडी समेत रहेका मालिंगाले नाम फिर्ता लिएका छन् ।

उनले तयारीका लागि पर्याप्त समय नभएको भन्दै नाम फिर्ता लिएको बताईएको छ ।

मालिंगाले गत मार्चबाट कुनैपनि प्रतियोगिता खेलेका छैनन् ।

लंका प्रिमियर लिग नोभेम्बर २६ बाट सुरु हुनेछ । प्रतियोगिताको फाइनल डिसेम्बर १६ मा हुने तालिका रहेको छ ।