इंग्ल्यान्डले भारतसँग ५ टेस्टको सिरिज खेल्ने

एजेन्सी । इंग्ल्यान्डले आगामी वर्ष भारतसँग पाँच खेलको टेस्ट सिरिज खेल्ने भएको छ ।

इंग्ल्यान्ड एण्ड वेल्स क्रिकेट बोर्ड (इसीबी) ले बुधबार टिमले घरेलु मैदानमा भारतसँग पाँच टेस्टको सिरिज खेल्ने जनाएको छ ।

इंग्ल्यान्डले भारतसँग २०२१ को अगस्टमा पाँच खेलको सिरिज खेल्नेछ ।

सिरिज अन्तर्गतको पहिलो टेस्ट अगस्ट ४ मा सुरु हुनेछ । यस्तै अन्तिम टेस्ट सेप्टेम्बर १० मा हुनेछ ।

भारतसँगको सिरिज अघि इंग्ल्यान्डले घरेलु मैदानमा श्रीलंका र पाकिस्तानसँग सिमित ओभरको सिरिज खेल्नेछ ।

इंग्ल्यान्डले जुन २९ देखि जुलाई ४ सम्म श्रीलंकासँग तीन खेलको एकदिवसीय खेल्ने तालिका रहेको छ ।

त्यस्तै इंग्ल्यान्डले जुलाई ८ देखि जुलाई २० सम्म पाकिस्तानसँग ३/३ खेलको एकदिवसीय र टी-ट्वान्टी सिरिज खेल्नेछ ।