भारत र अष्ट्रेलियाबीचको सिरिजमा दर्शकलाई अनुमति !

एजेन्सी । भारत र अष्ट्रेलियाबीचको क्रिकेट सिरिज दर्शकले मैदानमै बसेर हेर्न पाउने भएका छन् ।

क्रिकेट अष्ट्रेलियाले मंगलबार घरेलु टिम र भारतबीचको सिरिजमा दर्शकलाई प्रवेश गर्न दिने निर्णय गरेको छ ।

क्रिकेट अष्ट्रेलियाले सरकारले कोरोना सम्बन्धि बनाएको मापदण्डलाई पालना गर्दै सिमित दर्शकलाई मैदान प्रवेशको अनुमति दिने निर्णय गरेको हो ।

अष्ट्रेलिया र भारतबीच ३ एकदिवसीय, ३ टी-ट्वान्टी र ४ खेलको टेस्ट सिरिज हुनेछ ।

सिरिजका लागि दुबै टिमले टिमको घोषणा गरिसकेको छ ।

अष्ट्रेलिया र भारतबीचको एकदिवसीय सिरिज नोभेम्बर २७ बाट सुरु हुनेछ । टी-ट्वान्टी सिरिज डिसेम्बर ४ मा सुरु हुनेछ ।

यस्तै डिसेम्बर १७ बाट टेस्ट सिरिज सुरु हुनेछ ।

क्रिकेट अष्ट्रेलियाले सिरिजका लागि टिकट बिक्रि समेत सुरु गरेको छ ।