इंग्ल्यान्ड क्रिकेट टिम तलब कटौती गर्न सहमत

एजेन्सी । इंग्ल्यान्डको सेन्ट्रल कन्ट्रयाक्टमा रहेका क्रिकेट खेलाडीहरु तलब कटौतीका लागि सहमत भएका छन् ।

कोरोना भाईरसको कारण इंग्ल्यान्ड एण्ड वेल्स क्रिकेट बोर्ड (इसीबी) मा पर्न गएको आर्थिक संकटको कारण खेलाडी तलब कटौती गर्न सहमत भएका हुन् ।

सहमतिसँगै अब सन् २०२०/२१ को सिजन खेलाडीको तलब १५ प्रतिशत कटौती हुनेछ ।

इंग्ल्यान्डको पुरुष क्रिकेट टिमका प्रबन्ध निर्देशक एस्ले गिल्सले चुनौतीको समय खेलाडीले परिपक्क निर्णय गरेको बताए ।

'म खेलाडीलाई सहयोगको लागि धन्यवाद दिन चाहन्छु,' उनले भनेका छन्, 'हाम्रा खेलाडी र प्रतिनिधिसँग बलियो सम्बन्ध रहेको छ । कप्तान जोय रुट र इयान मोर्गनको नेतृत्वमा खेलाडीहरुले आफुलाई परिपक्क र जिम्मेवारीका साथ अघि बढाएका छन् ।'