एजेन्सी । टोटेनहम हट्सपरले ब्राजिली फरवार्ड कार्लोस भिनिसियसलाई अनुबन्धन गरेको छ ।
प्रिमियर लिग क्लब टोटेनहमले पोर्चुगलको क्लब बेन्फिकाबाट भिनिसियसलाई एक सिजनका लागि लोनमा अनुबन्धन गरेको हो ।
पोर्चुगलको क्लबले ३ मिलियन युरोमा लोनमा सहमती भएको र स्थायी रुपमा किन्न मिल्ने विकल्प समेत सम्झौतामा उल्लेख गरिएको बताएको छ ।
टोटेनहमले स्थायी रुपमा किन्न चाहेमा भिनिसियसका लागि ४५ मिलियन युरो खर्च गर्नुपर्नेछ ।
२५ वर्षिया फरवार्डले गत सिजन २४ गोल गरेका थिए । र लिगको सर्वाधिक गोलकर्ता बनेका थिए ।
मौरिन्होले लुकास मौरा, स्टेभन वर्गविजन, सन ह्युङ मिन र ह्यारी केनसंग जोड्न नयाँ फरवार्ड हस्ताक्षर गरिएको बताएका छन् ।
पछिल्लो जनवरी र फेब्रुअरीमा सन र केन चोटका कारण मैदान बाहिर रहदाँ टोटेनहमले फरवार्डको मुख्य समस्या भोगेको थियो । स्पेनका फार्नान्डो लेरेन्टेले समेत सन् २०१९ को सेप्टेम्बरमा क्लब छाडेका थिए ।
‘म यस परिवारमा आफ्नो खुसी बाँड्न र उपाधिहरु ल्याउनका जोडिएको हुँ ।’ क्लबसंग सम्झौता गर्दै भिनिसियसले भने ।
