रेड स्टार उपाधि नजिक

काठमाडौं । इलामको रेड स्टार क्लब तेस्रो पाथिभरा गोल्डकप फुटबलको फाइनलमा प्रवेश गरेको छ ।

बिहिबार सुनसरीको राष्ट्रिय जागृति क्लबलाई पेनाल्टी सुट आउटमा ४–३ ले पराजित गर्दै रेड स्टारले फाइनल यात्रा तय गरेको हो । 

ताप्लेजुङको भानु माविको मैदानमा भएको खेलमा निर्धारित समय १–१ गोलको बराबरी भएपछि खेलको निर्णय पेनाल्टी सुटआउटबाट गरिएको थियो ।

अब फाइनलमा रेड स्टारले न्यू स्टार झापा र चर्च ब्वाइज क्लब काठमाडौंबिचको बिजेतासंग खेल्ने छ ।

प्रतियोगीताको विजेताले ३ लाख तथा उपविजेताले १ लाख ५० हजार प्राप्त गर्नेछ ।