दिव्याश्री, रितेश र अनुप उत्कृष्ट

काठमाडौं । सिल्करोड इन्टरनेशनल कलेजले आयोजना गरेको स्पोर्टस मिट २०१८ मा दिव्याश्री पौडेल, रितेश थापा र अनुप सापकोटा उत्कृष्ट खेलाडी घोषित भएका छन् ।

कलेजले सञ्चालन गरेको सप्ताहव्यापी खेलकुद प्रतियोगितामा तीन खेलाडी उत्कृष्ट बन्दै ट्रफी जित्न सफल भएका हुन् ।

कलेजले बीबीए संकायका विभिन्न सेमेस्टरका विधार्थीबीच विभिन्न खेलको प्रतिस्पर्धा गराएको थियो ।

कलेजले स्पोर्टस मिट अन्तर्गत फुटसल, बास्केटबल, भलिबल, टेबलटेनिस, ब्याडमिण्टन लगायतका विभिन्न खेलहरु सञ्चालन गरेको थियो ।

बुधबार एक कार्यक्रमको आयोजना गरि कलेजले विभिन्न खेलका विजेता खेलाडीलाई पुरस्कृत गरेको छ ।

कार्यक्रममा कलेजका प्रिन्सिपल डा श्याम सुन्दर चौधरीले कलेजले पढाईकासाथै अतिरिक्त क्रियाकलाप अन्तर्गत खेलकुदलाई विशेष प्राथमिकतामा राखेको बताउनुभयो ।