स्मिथ र स्टोक्स शीर्ष स्थानमा यथावत

एजेन्सी । अष्ट्रेलियाका ब्याट्सम्यान स्टिभ स्मिथ आईसीसीको टेस्ट ब्याट्सम्यान वरीयताको शीर्ष स्थानमा यथावत रहेका छन् ।

अन्तर्राष्ट्रिय क्रिकेट काउन्सिल (आईसीसी) ले बुधबार सार्वजनिक गरेको नयाँ वरीयतामा स्मिथ शीर्ष स्थानमा यथावत रहेका हुन् ।

ब्याटिङतर्फ भारतीय क्रिकेट टोलीका कप्तान विराट कोहली दोस्रो स्थानमा यथावत रहेका छन् ।

यस्तै अष्ट्रेलियाका मार्नुस लाबुस्चाग्ने तेस्रो, इंग्ल्यान्डका बेन स्टोक्स चौंथो र न्युजिल्याण्डका केन विलियम्सन पाँचौ स्थानमा रहेका छन् ।

पाकिस्तानका बाबर आजम छैटौं, अष्ट्रेलियाका डेभिड वार्नर सातौं, भारतका चेतेश्वर पुजारा आठौं, इंग्ल्यान्डका जोय रुट नवौं र भारतका अजिन्का रहाने दशौँ स्थानमा रहेका छन् ।

बलिङतर्फ अष्ट्रेलियाका पाट कुमिन्स शीर्ष स्थानमा यथावत रहदा न्युजिल्यान्डका निल वाग्नेर दोस्रो स्थानमा रहेका छन् ।

इंग्ल्यान्डका स्टुवार्ट ब्रोड तेस्रो स्थानमा उक्लिएका छन् ।

यस्तै न्युजिल्यान्डका टिम साउथी चौंथो र वेष्ट इन्डिजका जासन होल्डर पाँचौं स्थानमा झरेका छन् ।

अलराउन्डरतर्फ इंग्ल्यान्डका बेन स्टोक्स शीर्ष स्थानमा यथावत रहेका छन् ।

वेष्ट इन्डिजका कप्तान जासन होल्डर दोस्रो र भारतका रबिन्द्र जडेजा तेस्रो, न्युजिल्यान्डका मिचेल स्टार्क चौंथो र भारतका रविचन्द्र आश्विन पाँचौ स्थानमा रहेका छन् ।

टेस्ट राष्ट्रको वरीयताको शीर्ष स्थानमा अष्ट्रेलिया, दोस्रोमा न्युजिल्यान्ड र तेस्रोमा भारत रहेका छन् । इंग्ल्यान्ड चौंथो र श्रीलंका पाँचौं स्थानमा छन् ।