स्कटल्याण्ड क्रिकेटको प्रशिक्षण सुरु

एजेन्सी । स्कटल्याण्डले राष्ट्रिय क्रिकेट टिमको प्रशिक्षण सुरु गरेको छ ।

स्कटल्याण्ड क्रिकेटले सोमबारबाट टिमको प्रशिक्षण सुरु गरेको जनाएको छ ।

कोरोना भाईरसको कारण लामो समयबाट रोकिएको प्रशिक्षण सोमबारबाट सुरु गरेको हो ।

पहिलो चरणमा १३ खेलाडी प्रशिक्षणमा फर्किएको स्कटल्याण्ड क्रिकेटले जनाएको छ ।

टिमलाई मुख्य प्रशिक्षक शेन बुर्गर, सहायक प्रशिक्षक ग्रान्ट मोर्गन लगायतले प्रशिक्षण दिएको बताईएको छ ।

स्कटल्याण्ड सरकारको गाइडलाइनको पालना गर्दै सामाजिक दुरीलाई कायम राख्दै तयारी थालिएको बताईएको छ ।

महिला टिमको प्रशिक्षण भने केहि समयपछि थालिने स्कटल्याण्ड क्रिकेटले जनाएको छ ।