स्मिथ शीर्ष स्थानमा यथावत

एजेन्सी । अष्ट्रेलियाका ब्याट्सम्यान स्टिभ स्मिथ टेष्ट क्रिकेटको ब्याट्सम्यानतर्फ शीर्ष स्थानमा यथावत रहन सफल भएका छन् ।

अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको नयाँ वरीयतामा स्मिथ शीर्ष स्थानमा कायम रहेका हुन् ।

यस्तै भारतीय क्रिकेट टोलीका कप्तान विराट कोहली पनि दोस्रो स्थानमा यथावत रहेका छन् ।

अष्ट्रेलियाका मार्नुस लाबुस्चाग्ने तेस्रो, न्युजिल्याण्डका केन विलियम्सन चौंथो र पाकिस्तानका बाबर आजम पाँचौं स्थानमा रहेका छन् ।

नयाँ वरीयता अनुसार अष्ट्रेलियाका डेभिड वार्नर, भारतका चेतेश्वर पुजारा, इंग्ल्यान्डका जोय रुट,भारतका अजिन्का रहाने र इंग्ल्यान्डका बेन स्टोक्स छैटौंबाट क्रमशः दशौँ स्थानमा रहेका छन् ।

बलिङतर्फ अष्ट्रेलियाका पाट कुमिन्स शीर्ष स्थानमा यथावत रहेका छन् । इंग्ल्यान्डविरुद्धको पहिलो टेष्ट जितेपछि वेष्ट इन्डिजका जासन होल्डर बलिङ वरीयताको दोस्रो स्थानमा उक्लिएका छन् ।

यस्तै न्युजिल्यान्डका निल वाग्नेर तेस्रो, न्युजिल्यान्डकै टिम साउथी चौंथो र दक्षिण अफ्रिकाका कागीसो राबडा पाँचौं स्थानमा छन् ।

अलराउण्डरतर्फ वेष्ट इन्डिजका जासन होल्डर शीर्ष स्थानमा रहदा इंग्ल्याण्डका बेन स्टोक्स दोस्रो स्थानमा छन् । त्यस्तै भारतका रबिन्द्र जडेजा तेस्रो, न्युजिल्यान्डका मिचेल स्टार्क चौंथो र भारतका रविचन्द्र आश्विन पाँचौ स्थानमा रहेका छन् ।