युएस ओपन महिला गल्फ स्थगित

एजेन्सी । अमेरिकामा आयोजना हुने ७५ औं संस्करणको युएस महिला ओपन च्याम्पियनसिप गल्फ स्थगित भएको छ ।

कोरोना भाईरसको महामारीको कारण जुन महिनामा हुने प्रतियोगिता स्थगित गरिएको हो ।

प्रतियोगिता टेक्सासको होउसटन गल्फ क्लबमा जुन ४ देखि ७ सम्म हुने तालिका रहेको थियो ।

अब प्रतियोगिता डिसेम्बर १० देखि १३ सम्म हुने बताईएको छ ।

युएस गल्फ एसोसियसनका सिईओ माइक डेभिसले खेलाडीको स्वास्थ्यलाई मध्ये नजर गर्दै प्रतियोगिता सारिएको तर यसै वर्ष प्रतियोगिता आयोजना गर्न प्रतिबद्द रहेको बताए ।

गत संस्करणको उपाधि जेओनगुन लीले जितेकी थिईन् ।