काठमाडौं । हङकङ एसीसी एसिया कप छनोट प्रतियोगिताको लागि छनोट भएको छ ।
थाइल्याण्डमा सम्पन्न एसीसी इस्टर्न रिजन पुरुष टी-ट्वान्टी कप क्रिकेटको शीर्ष दुईमा रहदै हङकङ एसिया कप छनोटमा पुगेको हो ।
यस प्रतियोगिताबाट शीर्ष दुई टोलीले एसिया कप छनोटमा स्थान बनाउने प्राबधान रहेको थियो । जसमा हङकङ उपविजेता बन्दै एसिया कपमा छनोट भएको हो ।
प्रतियोगिताको अन्तिम खेलमा शुक्रबार मलेसियालाई ६ विकेटले हराएर हङकङ उपविजेता बनेको हो । हङकङले ४ खेलमा ६ अंक जोड्यो ।
सिंगापुरले ७ अंकसहित उपाधि जितेर एसिया कप छनोटमा पुगेको छ ।
ट्रेडथाई क्रिकेट मैदानमा मलेसियाले दिएको १ सय ३३ रनको लक्ष्य हङकङले १८ ओभर ५ बलमा मात्र ४ विकेट गुमाएर पुरा गर्यो ।
हङकङका शाहिद वासिफले ५० रनको अर्धशतकीय इनिङ्स खेल्दा जेम्स जोनले अविजित ३३ रन बनाए । मलेसियाका पवनदिप सिंहले २ विकेट लिए ।
यस अघि टस जितेर पहिले मलेसियाले २० ओभरमा ६ विकेट गुमाएर १ सय ३२ रन बनाएको थियो । उसका लागि भिरणदिप सिंहले ३३ तथा सायद अजिजले ३० रन बनाए । खिजार हायतले २२ रन बनाए । मलेसियाका मोहमद अजिज खानले २ विकेट लिए ।
