काठमाडौं । त्रिभुवन आर्मी क्लबका होमलाल श्रेष्ठले प्रधानसेनापति खुला म्याराथनको उपाधि जितेका छन् ।
शनिबार आयोजना भएको म्याराथनमा निर्धारित दुरी २ घण्टा २२ मिनेटमा १७ सेकेण्डमा पुरा गर्दै होमले उपाधि जितेका हुन् । होमले साविक विजेता समेत रहेका आर्मीकै कृष्ण बस्नेतलाई पछि पारे ।
दोस्रो भएका कृष्णले २ घण्टा २३ मिनेट ४९ सेकेण्डको समय निकाले । यस्तै नवराज साउदले २ घण्टा २९ मिनेटमा ३६ सेकेण्डको समय सहित तेस्रो स्थान हासिल गरे ।
उपाधिसँगै होमले १ लाख २५ हजार नगद र मोटरसाइकल पुरस्कार प्राप्त गरे । दोस्रो भएका कृष्णले ६५ हजार र तेस्रो भएका नवराजले ३५ हजार प्राप्त गरे ।
आर्मीका ज्ञान प्रसाद भट्टराई र वेद सुनवार चौथो र पाँचौ भए । चौथोले २५ हजार र पाँचौले १५ हजार प्राप्त गरे।
पुरुष हाफ म्याराथनको उपाधि तिर्थ पुनले जिते । भारतीय सेनाका तिर्थ पुनले १ घण्टा ५ मिनेट ५ सेकेण्डमा दुरी पुरा गरे । यस्तै आर्मीका खगेन्द्र भाटले १ घण्टा ५ मिनेट ५८ सेकेण्डमा दुरी पुरा गर्दै दोस्रो स्थान हासिल गर्दा आर्मीका दीपक अधिकारीले १ घण्टा ७ मिनेट २ सेकेण्डको समय निकाल्दै तेस्रो स्थान हासिल गरे ।
महिलातर्फको हाफ म्याराथनको उपाधि एपीएफकी पुष्पा भण्डारीले जितेकी छिन् । उनले निर्धारित दुरी १ घण्टा १७ मिनेट ०८ सेकेण्डमा पुरा गरिन् । पुलिसकी राजपुरा पछाईले १ घण्टा १८ मिनेट ३७ सेकेण्डको समय सहित दोस्रो स्थान हासिल गर्दा आर्मीकी विश्वरुपा बुढाले १ घण्टा २० मिनेट २२ सेकेण्डको समय निकाल्दै तेस्रो स्थान हासिल गरिन् ।
हाफ म्याराथनतर्फ महिला र पुरुष दुवैतर्फका विजेता, उपविजेता र तेस्रोले क्रमशः ५० हजार, ३५ हजार र २५ हजार प्राप्त गरे ।
हाफ म्याराथनको ४५ वर्षमाथि धर्म महर्जनले उपाधि जित्दा भिम बहादुर गुरुङ दोस्रो र भिमसेन अवाले तेस्रो भए । ४५ वर्षमाथिका विजेता, उपविजेता र तेस्रोले क्रमश: ४० हजार, २५ हजार र १५ हजार प्राप्त गरे ।
१० किमीको गैर सैनिकतर्फ सन्तोषनाथ योगी पहिलो, विष्णु कुमार तामाङ दोस्रो र सागर श्रेष्ठ तेस्रो भए । यस स्पर्धामा पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
१० किमीकै सैनिक सहचारी पुरुषमा भुपेन्द्र सिंह रावत, दिशेन घले र दुरा इमुरुगन क्रमश: पहिलो, दोस्रो र तेस्रो भए । पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
१० किमी अधिकृत पुरुषतर्फ नवराज थापा पहिलो हुँदा अजयजंग सुवेदी दोस्रो र चन्द्र बहादुर थापा तेस्रो भए । महिलातर्फ देवी पुन, रस्मिला अर्याल र सिता कुवँर क्रमशः पहिलो, दोस्रो र तेस्रो भए । यस स्पर्धामा दुवैतर्फको पहिलो, दोस्रो र तेस्रो हुने खेलाडीले क्रमश: १० हजार, ७ हजार र पाँच हजार पाए ।
५ किमी छात्रतर्फ इश्वर चन्द्र बस्नेत पहिलो, प्रविणराज अधिकारी दोस्रो र सविन राई तेस्रो भए । छात्रामा स्वेच्छा बलामी मगर पहिलो, सुनिता श्रेष्ठ दोस्रो र रचना राना मगर तेस्रो भए । छात्र छात्रा दौडमा पहिलो हुनेले १० हजार, दोस्रोले ७ हजार र तेस्रो हुने खेलाडीले ५ हजार प्राप्त गरे ।
-1750070144.JPG)
-1750064258.webp)
