केभीएस र हाइली सेमिफाइनलमा

काठमाडौं ।काठमाडौं विनायक शिक्षालय (केभीएस) र हाइली क्रिएटिभ पाँचौं अर्किड कप अन्तरविद्यालय छात्र फुटबल प्रतियोगितामा बिहीबार सेमिफाइनलमा प्रवेश गरेका छन् ।

केभीएसले नेपाल तारालाई ३–० गोलले पराजित गर्यो । केभीएसका नवीन रोकाया, किसन मखिम र नितम कार्कीले गोल गरे । नेपाल ताराका भुवन श्रेष्ठ ‘म्यान अफ द म्याच’ घोषित भए ।

हाइली क्रिएटिभले भीमेश्वर एकेडेमीलाई १–० गोलले हरायो । हाइली क्रिएटिभका भगवान खत्रीले निर्णायक गोल गरे । भीमेश्वरका महेश पाण्डे ‘म्यान अफ द म्याच’ चुनिए ।

अर्किड स्कुलद्वारा आयोजित प्रतियोगितामा गोल्डेन बड र ग्रिनविच क्वाटरफाइनलमा पुगे । गोल्डेन बडले लाइसियम प्याराडाइसलाई २–० गोलले पाखा लगायो । दुवै गोल विवेक गुरुङले गरे ।

लाइसियमका स्वरुप खत्री ‘म्यान अफ द म्याच’ बने । ग्रिनविचले नेक्ससलाई पेनाल्टी सुटआउटमा ४–३ गोलले पन्छायो । निर्धारित समयको खेल १–१ को बराबरीमा सकिएको थियो ।