क्रिकेटर लोकेशसहित पाँच खेलाडीलाई 'प्रतिभा सम्मान'

धनगढी । नेपाली यू-१९ राष्ट्रिय क्रिकेट टिमका सदस्य लोकेश बमसहित पाँच खेलाडी 'प्रतिभा सम्मान' बाट सम्मानित भएका छन् ।

धनगढीको सुदूरपश्चिमाञ्चल एकेडेमीले मंगलबार लोकेशसहित पाँच खेलाडीलाई 'प्रतिभा सम्मान' बाट सम्मानित गरेको हो । सम्मानित हुनेमा यू-१९ महिला क्रिकेट टोलीका सदस्य लक्ष्मी साउँद, यशोदा विष्ट र ईश्वरी विष्ट रहेकी छिन् ।

यस्तै कराते खेलाडी कमल ओली रहेका छन् । त्यस्तै एकेडेमीले नेपाल आइडलको सिजन-३ को उत्कृष्ट ११ स्थानमा पुग्न सफल कमल सोवलाई 'प्रतिभा सम्मान' बाट सम्मानित गरेको छ ।

एकेडेमीले सुदूरपश्चिमलाई आफ्नो अदभूत प्रतिभाबाट देश तथा विदेशमा चिनाउने काम गरेको भन्दै उनीहरुलाई सम्मान गरेको हो । उनीहरुलाई सुदूरपश्चिम सरकारका आर्थिक मामिला तथा योजना मन्त्री झपट बोहराले सम्मान गरे ।

सुदूरपश्चिमाञ्चल एकेडेमीले २१ औं वार्षकोत्सवको अवसरमा उनीहरु सम्मानित भएका हुन् ।