लिबर्टी कप शुक्रबारबाट

काठमाडौं । दोस्रो संस्करणको लिबर्टी कप सेभेन 'ए' साइड फुटबल शुक्रबारबाट सुरु हुने भएको छ ।

गोकर्णेश्वरस्थित अत्तरखेल मैदानमा हुने प्रतियोगिता माघ २४ देखि २८ गतेसम्म चल्नेछ ।

प्रतियोगितामा ३५ वटा निजि तथा सामुदायिक विद्यालयले प्रतिपर्धा गर्नेछन् । प्रतियोगितामा छात्रतर्फ २७ र छात्रातर्फ १४ टिमको सहभागिता रहने छ ।

प्रतियोगिताको विजेताले २० हजार, दोस्रोले १० र तेस्रोले ५ हजार पाउने लिबर्टी एकेडेमीका प्रिन्सिपल ओम प्रसाद ढकालले जानकारी दिए ।

प्रतियोगिताको उत्कृष्ट खेलाडी, उत्कृष्ट गोलकिपर र सर्वाधिक गोलकर्तालाई ट्रफी प्रदान गरिने छ ।