काठमाडौं । सरस्वती युथ क्लबले सहिद स्मारक 'ए' डिभिजन लिग फुटबलमा पहिलो अंक जोडेको छ ।
त्रिपुरेश्वरस्थित दशरथ रंगशालामा आइतबार भएको खेलमा ब्रिगेड ब्वाईज क्लबसँग गोलरहित बराबरी खेल्दै सरस्वतीले लिगमा पहिलो अंक जोडेको हो ।
अघिल्ला पाँच खेलमा पराजित सरस्वतीले छैटौं खेलमा आएर एक अंक जोडेको हो ।
सरस्वतीले पहिलो अंक जोडेको खेलमा ब्रिगेडले पाएको अवसर सदुपयोग गर्न सकेन् । बल पोजिसनमा पकड राखेपनि ब्रिगेडका स्ट्राइकर चम्कन सकेनन् ।
खेलको ४० औं मिनेटमा शिशिर लेखिको प्रहार क्रसबारमाथिबाट बाहिरियो । यस्तै ४९ औं मिनेटमा रोशन राना मगरको प्रहार आकाशियो ।
खेलको ६२ औं मिनेटमा ब्रिगेडका जया गुरुङ गोल गर्न चुके । डिबक्स भित्र प्राप्त बललाई अनमार्क रहेका उनले क्रसबारमाथी प्रहार गरे ।
सरस्वतीले पनि केहि गोलको अवसर खरे फाल्यो । खेलको दोस्रो मिनेटमै विदेशी खेलाडी कजिम बुसारीको ग्रासबल ब्रिगेडका गोलरक्षक विशाल सुनुवारले पन्च गर्दै बाहिर फ्याले ।
खेलको ७९ औं मिनेटमा तिर्थ बस्नेतले गोलको सुन्दर मौका गुमाए । उनको प्रहारले पोस्टको दिशा लिन सकेन ।
खेलमा सरस्वतीका मनिष थापा म्यान अफ दि म्याच चुनिए ।
ब्रिगेडसँग बराबरी खेलेपछि सरस्वतीले ६ खेलमा १ अंक जोडेको छ । सरस्वती लिगको पुछारमा रहेको छ ।
ब्रिगेड ६ खेलमा ७ अंक जोडेर लिगको आठौं स्थानमा रहेको छ ।
प्रशिक्षकले के भने ?
ब्रिगेड ब्वाईजका प्रशिक्षक अबिन गुरुङले नतिजा निराशाजनक रहेको बताए ।
‘नराम्रो भयो खेल । तीन अंकको लागि आएका थियौ । सोचे जस्तो भएन ।’ उनले भने ।
सरस्वतीविरुद्व आफ्नो टिम खेल्न नसकेको बताए ।
गुरुङले भने, ‘सरस्वतीलाई सजिलो लिएका थिएनौ । बिदेशीले समेत राम्रो खेलेनन् ।’
सरस्वतीका प्रशिक्षक प्रदिप नेपालले जित्नुपर्ने खेल बराबरी हुन पुगेको बताए ।
‘तीन अंकका लागि आएका थियौ । अझ मेहनत गर्नुपर्ने भएको छ । उनले भने, फ्रेन्ड्सले जित्दा दबाब छ । रेलिगेशनको डर छैन ।’ उनले भने ।
बिग्रेड प्लेईङ सेट -
अनिल गरुङ (कप्तान), ताजुद्दिन एड्कुनाल बुसारी, जया गुरुङ, मनोज राई, मदन भट्टराई, रन्दिप पौडेल, शिशिर लेखि, विजय गुरुङ, विशाल सुनार, जर्ज भिन्सेन्ट, आइज्याक आयर ओलकजी
सरस्वती प्लेईङ सेट -
मेबी एन्डर एक्वेम, दिपेश श्रेष्ठ(कप्तान), तीर्थ बहादुर बस्नेत, शुसन लामा, कृष्ण रानाभाट, मनिष थापा, हिसब थपलिया, पुर्ण बहादुर श्रेष्ठ, मेहेसाक अवय मवन्किना, काजिम एजिम, एडिजोर बुसारी
