करातेमा अनुलाई रजत

काठमाडौं । १३ औं दक्षिण एसियाली खेलकुद (साग) अन्तर्गत करातेमा नेपालकी अनु गुरुङले रजत जितेकी छिन् ।

सातदोबाटोस्थित कराते हलमा मंगलबार ६१ केजीमुनि कुमुतेमा अनुले रजत जितेकी हुन् ।

फाइनलमा अनु बंगलादेशकी हुमारी अख्तरसँग ५-२ ले पराजित भईन् ।

यस स्पर्धामा श्रीलंका र पाकिस्तानकी खेलाडीले कास्य जितिन् ।

महिला ५५ केजी कुमुतेमा नेपालकी मनिषा चौधरीले कास्य जितिन् ।

यस स्पर्धामा बंगलादेशले स्वर्ण र पाकिस्तानले रजत जित्यो ।