करातेमा नेपालकी कुसुमलाई स्वर्ण

काठमाडौं । १३ औं दक्षिण एसियाली खेलकुद (साग) अन्तर्गत करातेमा नेपालकी कुसुम खड्काले स्वर्ण पदक जितेकी छिन् ।

सातदोबाटोस्थित कराते हलमा सोमबार कुमुते ४५ केजि मुनिको प्रतिस्पर्धामा कुसुमले बंगलादेशका खेलाडीलाई ३-२ अंकले  पराजित गरिन् । 

कुसुम नेपाललाई स्वर्ण दिलाउने ११ औं खेलाडी बनिन् । 

पहिलो चरणमा कुसुमले श्रीलंकाकी सेनारथ अराचिगेलाई ७-६ अंकले पराजित गरेकी थिइन् ।